türkiye amérikaning jenubiy qibrisqa munasiwetlik qararigha naraziliq bildürdi

türkiye awazi radiyosi xewiri: türkiye jumhuriyiti tashqi ishlar ministirliqi bayanatchisi hami aqsoy bu heqtiki bir soalgha yazma halette jawab berdi؛ u, araldiki ikki terepke oxshash muamile qilish birleshken döletler teshkilati (b d t) belgiligen bir pirinsip ikenlikini alahide tekitlep, «buningdin burun qayta – qayta tekitlep ötkinimizdek, bu we mushuninggha oxshash qedemler qibris mesilisige chare tépish yolidiki tirishchanliqlargha  töhpe qoshmaydu, eksiche rim terepning kélishelmes pozitsiyesining téximu küchiyip kétishini keltürüp chiqiridu. ikki terep otturisidiki tengpungluqni nezerde tutmighan qedemlerning aralda ishench muhiti berpa qilishqa, uningdin bashqa sherqiy aqdéngizda tinchliq we muqimliqning ornitilishighimu yardemchi bolmaydighanliqi éniqtur» dégenlerni qeyt qildi.

amérika tashqi ishlar ministiri mayk pompéyo, döliti bilen jenubiy qibris rim dairiliri otturisidiki xewpsizlik munasiwetliri dairiside rim dairilirige herbiy telim – terbiye meblighi béridighanliqlirini élan qilghanidi.