ئىدلىبتا تۈركىيە بىلەن رۇسىيە بىرلىكتە چارلاش ئېلىپ باردى

تۈركىيە ئاۋازى رادىيوسى خەۋىرى: تۈركىيە دۆلەت مۇداپىئە مىنىستىرلىقى ئىدلىبتىكى M4 يۇقىرى سۈرئەتلىك تاشيولىدا تۈركىيە-رۇسىيە قىسىملىرىنىڭ چارلاش ئېلىپ بارغانلىقى توغرىسىدا بايانات ئېلان قىلدى.

دۆلەت مۇداپىئە مىنىستىرلىقى تەرىپىدىن ئېلان قىلىنغان بۇ ھەقتىكى باياناتتا: «تۈركىيە - رۇسىيە رامكا كېلىشىمى دائىرىسىدە، ئىدلىبتىكى M4 يۇقىرى سۈرئەتلىك تاشيولىدا بەلگىلەنگەن ئاين ئەلھاۋر لىنيەسىنىڭ ھەممىسىدە، تۈركىيە بىلەن رۇسىيە ھەم قۇرۇقلۇقتىن، ھەم ھاۋادىن 20 – قېتىملىق بىرلەشمە چارلاشنى ئەمەلگە ئاشۇردى» دېيىلدى.