һулуси акар билән армийә иштаб башлиқи ливийәгә йетип барди

түркийә дөләт мудапиә министири һулуси акар билән армийә иштаб башлиқи гүләр ливийәни туйуқсиз зийарәт қилди.

1448461
һулуси акар билән армийә иштаб башлиқи ливийәгә йетип барди
Hulusi Akar Pençe-Kaplan Operasyonu 3.jpg
Milli Savunma Bakanı Hulusi Akar Ege'deki Tacizler 1.jpg

түркийә авази радийоси хәвири: һулуси акар билән армийә иштаб башлиқи гүләр пикир бирлики һасил қилинған келишим даирисидики паалийәтләрни көздин кәчүрүш үчүн ливийәгә йетип барди.

икки рәһбәр һәрбий мурасимдин кейин, келишим даирисидә қурулған мудапиә хәвпсизлик һәмкарлиқи вә тәлим-тәрбийә йардәм һәмкарлиқ қоманданлиқ мәркизидә хизмәтләрни көздин кәчүрди.

җумһур рәис рәҗәп таййип әрдоған бу һәқтә байанат елан қилип: «ливийәдә қанунлуқ һалда мәвҗут болған һөкүмәт билән оттуримиздики хизмәтләр әстайидил вә қәийлик билән давамлаштурулуши керәк. бу бизниң қилидиған хизмитимиз. мудапиә миинстиримиз у йәргә йетип барди. у йәрдә қилинидиған хизмәтләр билән ливийәдики мусапини техиму йеқин йәрдин давамлаштурушни халаймиз. ливийәдики қанунлуқ һөкүмәт билән оттуримиздики хизмәтләрни интайин әстайидил вә қәтийлик билән давамлаштурушимиз лазим» деди.

у түнүгүн (2020-йили 2-ийул) ки қатар зийарити тоғрисидиму тохталди. у мундақ деди:

«қатар зийарити вухән вируси (Kovid-19) оттуриға чиққандин кейинки тунҗи чәт әл зийаритим болди. район дөләтлири билән болған барлиқ мәсилиләрни қатар әмири тәмим бин һамад әссани билән музакирә қилдуқ.»



مۇناسىۋەتلىك خەۋەرلەر