türkiye iraqqa tébbiy yardem buyumi yollaydu

türkiye, wuxen wirusi (kowid – 19) gha qarshi küresh qiliwatqan iraqqa tébbiy yardem buyumi yollaydu.

1445918
türkiye iraqqa tébbiy yardem buyumi yollaydu

türkiye awazi radiyosi xewiri: türkiyening baghdadta turushluq bash elchisi fatih yildiz, yuqumning iraqqa selbiy tesir yetküzgenlikini bildürüp, «dölettiki yuqumlanghuchilar sani barghanséri köpeymekte, sehiye sistémisining qiyinchiliqqa duch kelgenliki, bimarlar bilen doxturxanilarning bezi asasliq lazimetliklerge érishishte qiyniliwatqanliqi körülmekte» dédi.

barghanséri nacharlishiwatqan ehwalgha taqabil turush üchün iraq sehiye we muhit asrash ministirliqi bashta bolup iraqliq emeldarlar bilen türkiye bilen yéqin munasiwiti bilen tereplerning türkiyedin baghdadtiki türkiye elchixanisi arqiliq yardem telep qilghanliqini bildürgen yildiz, sözini dawamlashturup, «jumhur reis rejep tayyip erdoghan, herdaimqigha oxshashla, qoshnimiz, dostimiz we qérindishimiz iraqning qiyin künliride yénida ikenlikimizni namayan qilishimiz lazimliqini tekitlidi we bu dairide iraq sehiye we muhit ministirliqining éhtiyajliri bilen birlikte, türkiye bilen tarixiy munasiwiti bolghan wasit (qut) wilayiti bilen iraqtiki türkmenler topliship olturaqlashqan kerkük we musulningmu teleplirini qamdash toghrisida yolyoruq chüshürdi» dédi.

iraqta yuqum yéqinqi künlerdin béri küchlük endishe peyda qilishqa bashlidi؛ hazirghiche 1839 adem qaza qildi, yuqumlanghuchilar sani 47151 ge yetti.


خەتكۈچ: #tébbiy yardem , #iraq , #türkiye

مۇناسىۋەتلىك خەۋەرلەر