түркийә ираққа теббий йардәм буйуми йоллайду

түркийә, вухән вируси (ковид – 19) ға қарши күрәш қиливатқан ираққа теббий йардәм буйуми йоллайду.

1445918
түркийә ираққа теббий йардәм буйуми йоллайду

түркийә авази радийоси хәвири: түркийәниң бағдадта турушлуқ баш әлчиси фатиһ йилдиз, йуқумниң ираққа сәлбий тәсир йәткүзгәнликини билдүрүп, «дөләттики йуқумланғучилар сани барғансери көпәймәктә, сәһийә системисиниң қийинчилиққа дуч кәлгәнлики, бимарлар билән дохтурханиларниң бәзи асаслиқ лазимәтликләргә еришиштә қийниливатқанлиқи көрүлмәктә» деди.

барғансери начарлишиватқан әһвалға тақабил туруш үчүн ирақ сәһийә вә муһит асраш министирлиқи башта болуп ирақлиқ әмәлдарлар билән түркийә билән йеқин мунасивити билән тәрәпләрниң түркийәдин бағдадтики түркийә әлчиханиси арқилиқ йардәм тәләп қилғанлиқини билдүргән йилдиз, сөзини давамлаштуруп, «җумһур рәис рәҗәп таййип әрдоған, һәрдаимқиға охшашла, қошнимиз, достимиз вә қериндишимиз ирақниң қийин күнлиридә йенида икәнликимизни намайан қилишимиз лазимлиқини тәкитлиди вә бу даиридә ирақ сәһийә вә муһит министирлиқиниң еһтийаҗлири билән бирликтә, түркийә билән тарихий мунасивити болған васит (қут) вилайити билән ирақтики түркмәнләр топлишип олтурақлашқан кәркүк вә мусулниңму тәләплирини қамдаш тоғрисида йолйоруқ чүшүрди» деди.

ирақта йуқум йеқинқи күнләрдин бери күчлүк әндишә пәйда қилишқа башлиди؛ һазирғичә 1839 адәм қаза қилди, йуқумланғучилар сани 47151 гә йәтти.



مۇناسىۋەتلىك خەۋەرلەر