amérikaning istanbul konsulxanisi xadimi metin topuz üstidin höküm élan qilindi

amérika qoshma ishtatlirining istanbuldiki konsulxanisi xadimi metin topuz qoralliq térrorluq teshkilatigha yardem qilish bilen eyiblinip 8 yil 9 ayliq qamaq jazasigha höküm qilindi.

1434222
amérikaning istanbul konsulxanisi xadimi metin topuz üstidin höküm élan qilindi

türkiye awazi radiyosi xewiri: fethullahchi térrorluq teshkilati bilen chétishliq saqchi xadimliri we eskerler shundaqla qachqun sotchi mupettish zekeriyya öz bilen alaqisi barliqi bilen eyiblinip tutqun qilinghan amérikaning istanbuldiki konsulxanisi xadimi metin topuz, qoralliq térrorluq teshkilatigha yardem qilish bilen eyiblinip qamaq jazasigha höküm qilindi.

istanbul 14- éghir jaza sot mehkimisidiki sottin kéyin qarar oqup ötüldi.

sot kollégiyesi, «türkiye jumhuriyiti hökümitini aghdurup tashlashqa urunush» jinayiti bilen eyiblinip sotlinishi telep qilinghan metin topuzgha qaritilghan eyibleshlerning sotlash jeryanida «fethullahchi térrorluq teshkilatigha yardem qilish» jinayitige aylanghanliqini eskertip, topuzning «qoralliq térrorluq teshkilatigha yardem qilish» jinayiti bilen eyiblinip 8 yil 9 ayliq qamaq jazasigha tartilishigha höküm qildi.

sot gollégiyesi, metin topuzning «döletning mexpiy tutulushi kérek bolghan uchurlirini siyasiy we herbiy jasusluq meqsitide qolgha chüshürüsh», «qanungha xilap halda xususiy uchurlarni xatirilesh», «sanliq melumatlarni qanungha xilap shekilde bérish yaki qolgha kirgüzüsh» we «mexpiyetlik belgilimisige xilapliq qilish» jinayetlerni sadir qilghanliqi ispatlinalmighanliqi üchün, mezkur eyibleshlerdin aqlanghanliqigha höküm qildi.

topuzni tutup turushni dawamlashturushqa höküm qilindi.



مۇناسىۋەتلىك خەۋەرلەر