türkiye amérikagha qattiq naraziliq bildürdi

türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, amérika qoshma ishtatliri tashqi ishlar ministirliqi teripidin 10 – iyun küni élan qilinghan «2019 – yilliq xelqara diniy erkinlikler doklati» din orun alghan türkiye bölümlirige alaqidar soalgha jawab bérip mundaq dédi: «bu doklattiki dölitimizge munasiwetlik bölümler yene menbesi éniqsiz dewalargha, ilmiyliktin uzaq bir xil uslubta yézilghan. halbuki, türkiye barliq puqralirimizmizning diniy we ibadet erkinlikini barawerlik asasida qoghdash we dairisini kéngeytish nishanigha yétish yolida ijabiy qedemlerni qollashni dawamlashturmaqta. jümlidin, dölitimizde, oxshimighan din we mezheplerge étiqad qilish erkinlikige cheklime qoyulghini yoq. meqsetke kelsek, ayasofya jamesi bilen qariye jamesi, türkiye jumhuriyitining mal – mülükliri bolup, bu mal – mülüklerni her xil shekilde bashqurush hoquqi türkiyening ichki ishlirigha munasiwetlik bir mesilidur. shunga, bu heqte chiqirilghan we chiqirilghusi qararlar bashqa döletlerning ishi bolalmaydu. türkiye térrotériyesidiki barliq medeniyet we diniy bayliqlirining qimmitini hem nahayiti yaxshi bilmekte, hem bu bayliqlarni öz layiqida qoghdimaqta.  türkiyening diniy erkinliklerni qoghdash we téximu tereqqiy qildurush mesiliside iradisining qetiyliki we tashlawatqan qedemliri hemmige ayan bolushigha qarimay, islam düshmenliki, anti sémitizm, irqchiliq we chet el düshmenliki amérika qoshma ishtatlirida barghanséri ewj élip kétiwatqan bir mezgilde, amérikaning bundaq doklatlar arqiliq dunya jamaetchilikining diqqitini, dölitidiki mesililerdin bashqa yaqqa buruwétishke urunushi heqiqetenmu külkilik bir komédiyedin bashqa nerse emes. doklattiki bimeniliklerni we héchqandaq asasi bolmighan gherezlik bayanlarni qetiy ret qilimiz, amérika qoshma ishtatlirini diniy erkinlikler we kishilik hoquq mesililiride diqqitini özining ichki ishlirigha merkezleshtürüshke chaqirimiz.»