коҗа вирусниң алдини елиш тәдбирлиригә риайә қилишниң әһмийтини тәкитлиди

түркийәниң вухән вируси (Kovid-19) қарши турушида, һәм вирусқа мунасивәтлик өлүм сани, һәмдә йуқум сани изчил төвәнлимәктә.

1428949
коҗа вирусниң алдини елиш тәдбирлиригә риайә қилишниң әһмийтини тәкитлиди

түркийә авази радийоси хәвири: йеқинқи 24 саәттә вухән вируси сәвәбидин 24 киши җенидин айрилди. буниң билән, вирусқа мунасивәтлик җәмий җенидин айрилғанлар сани 4 миң 609 болди. охшаш вақитта, 52 миң 305 кишиниң саламәтлики тәкшүрүлди вә 867 кишидә вирус байқалди. 931 кишиниң дохтурханидин чиқиши билән, саламәтлики йахшиланғанларниң сани 130 миң 852 гә йәтти.

сәһийә министири фаһрәттин коҗа 2020-йили 1-ийундин тартип башланған «йеңи нормал һаләт» ниң қаидәлиригә риайә қилишниң «кона нормал һаләт» кә қайтишниң вақтини бәлгиләйдиғанлиқини тәкитлиди.

у вабаға қарши турушта йәткән нуқта вә бундин кейин қандақ йол тутулидиғанлиқи һәққидә мәлумат берип, алдини елиш тәдбирлиригә риайә қилинған әһвалда иккинчи ваба долқуниниң йүз бәрмәйдиғанлиқини билдүрди.

у маска тақаш, иҗтимаий мусапәгә диққәт қилиш вә қолни йуйуп турушниң вухән вируси (Kovid-19) ға қарши туруштики муһим әһмийитини тәкитләп, бу тәдбирләргә риайә қилмиған әһвалда, ишниң бешиға қайтиштин қечип қутулғили болмайдиғанлиқи тоғрисида агаһландурди.



مۇناسىۋەتلىك خەۋەرلەر