түркийә һава йоллири ширкити авийатсийә қатнишини әслигә кәлтүрүш пиланиға өзгәртиш киргүзди

түркийә һава йоллири ширкити (THY), вухән вируси (ковид – 19) йүзисидин чиқарған авийатсийә қатнишини тохтитип қойуш қарариниң муддитини узартти.

1420930
түркийә һава йоллири ширкити авийатсийә қатнишини әслигә кәлтүрүш пиланиға өзгәртиш киргүзди

түркийә авази радийоси хәвири: түркийә һава йоллири ширкити (THY), вухән вируси (ковид – 19) йүзисидин чиқарған авийатсийә қатнишини тохтитип қойуш қарариниң муддитиниң дөләт ичи линийәләр үчүн 4 – ийунғичә, ташқи линийәләр үчүн 10 – ийунғичә узартилғанлиқини уқтурди.

түркийә һава йоллири ширкити байанат берип, дөләт ичи вә хәлқара линийәдә учушни тохтитиш қарариниң муддитиниң узаратилғанлиқини елан қилди.

йәнә бир тәрәптин, йеңи түзүмгә асасән буниңдин кейин йолочиларниң йенида көтүрүвалидиған  кабин чамаданлири айропиланниң ичигә әмәс, бәлки йүк – тақ бөлүмигә қобул қилинидикән. буниңдин бурун айропиланниң ичигә елип киришкә рухсәт қилинип кәлгән 8 килогирамлиқ еғирлиқ айропилан беләтлириниң йүк – тақ еғирлиқ өлчигә илавә қилинидикән. йолучиларниң қол сомкилирини айропиланға елип чиқишиға рухсәт қилинидикән.

түркийә һава йоллири ширкити буниңдин илгири байанат берип, ички вә хәлқара линйәләр бойичә учушни тохтитиш қарариниң муддитиниң 28 – майғичә узартилғанлиқини елан қилғаниди.



مۇناسىۋەتلىك خەۋەرلەر