erdoghan: 24 – 26 may roza héyt künliri kochigha chiqish cheklinidu
jumhur reis rejep tayyip erdoghan 24 – 26 – may roza héyt künliride barliq sheherlerde kochigha chiqishning cheklinidighanliqini bildürdi.
türkiye awazi radiyosi xewiri: erdoghan jumhur reislik sariyi ichki kabinétining 8 – qétim widéo konférans wasitisi arqiliq chaqirilghan téléwiziye - téléfon yighinidin kéyin élan qilghan bayanatida mundaq dédi: «türkiyening <wuxen wirusi> gha qarshi kürishi muweppeqiyetlik halda dawamlishiwatidu, bu sayida dawaliniwatqan bimarlarning sani künséri aziyiwatidu. nowmallishish basquchi wirus bilen yuqumlanghan bimarlar sanining 0 ge chüshüshi bilen axirlishidu. eger selbiy jehettin özgirishler otturigha chiqsa, bir qisim qattiq tedbirlerni qollinishqa mejbur bolushimiz mumkin. pütkül dunya hemkarliship chare izdigendila, andin yer shari xaraktérlik tesiri bar <wuxen wirusi> ning tehditini tamamen yoqatqili bolidu. türkiye bolush süpitimiz bilen, uzun yillar chégra éghizlirimizni tamamen taqap, kündilik hayatni toxtitip, wirusning tügishishini kütüp olturalmaymiz. shunga, normallishish kéler ay keng dairide ishqa ashurulidu. 24 – 26 – may roza héyt künliri harpa künidin étibaren pütkül türkiyede kochigha chiqish cheklinidu. yéngi oqu – oqutush yili séntebir éyida bashlinidu. jamaet bilen namaz oqushqa bolsa, <wuxen wirusi> gha qarshi küresh tedbirliri dairiside bashlinidu.»
