türkiye yollinghan tébbiy yardem buyumliri ghezzege yétip bardi

pelestinliklerning wuxen wirusi (kowid – 19) gha taqabil turush xizmetlirige yardemchi bolush meqsitide yollighan tébbiy buyumliri ghezzege yétip bardi.

1417036
türkiye yollinghan tébbiy yardem buyumliri ghezzege yétip bardi

türkiye awazi radiyosi xewiri: kerem ebu salim chégra éghizi arqiliq ghezze rayonigha yetküzüp bérilgen tébbiy buyumlar sehiye ministirliqi teripidin tapshuruwélinidu.

türkiyening, pelestinning wuxen wirusigha taqabil turush xizmetlirige yardemchi bolush meqsitide yollighan tébbiy yardem buyumlirini élip yolgha chiqqan ayropilani 30 – aprélda israiliyening paytexti tél awiw etrapidiki bén guriyon ayrodurumigha qonghanidi.

türkiyening tél awiwda turushluq elchixanisi xadimlirining nazariti astida ayrodurumning tiransport bölümige yötkelgen yardem buyumliri,  alaqidar resmiyetler béjirilgendin kéyin, iyordan deryasining gherbiy qirghiqidiki ramallah shehirige élip bérilghanidi.

türkiyening quddus bash konsulxanisining muweqqet mesuli bash elchi ehmet riza demirer, mezkur yardem buyumlirini pelestin sehiye ministirliqida ötküzülgen murasimda pelestin terepke ötküzüp bergenidi.



مۇناسىۋەتلىك خەۋەرلەر