түркийә террорлуқ тәшкилатиға еғир зәрбә бәрди

ширнақ вә дийарбакирда бөлгүнчи террорлуқ тәшкилати п к к ға қарши һава вә қуруқлуқтин елип берилған зәрбә бериш һәрикитидә 5 террорчи бир тәрәп қилинди.

1417031
түркийә террорлуқ тәшкилатиға еғир зәрбә бәрди

түркийә авази радийоси хәвири: вилайәтлик жандарма қоманданлиқи, ички бихәтәрликни капаләткә игә қилиш хизмәтлири даирисидә ширнақниң бәстләр дәрәләр районида һава вә қуруқлуқтин зәрбә бериш һәрикити елип берип, 3 террорчини бир тәрәп қилди.

дийарбакирниң лиҗә наһийәсидә елип берилған зәрбә бериш һәрикитидә болса, 1 террорчи өлди, 1 террорчи тирик қолға чүшүрүлди.

тирик қолға чүшүрүлгән террорчиниң «учур билән тәминлигүчиләргә 1 милйон түрк лираси мукапат берилидиғанлиқи» елан қилинған сериқ рәңлик тизимликтики бири икәнлики билдүрүлди.

түркийә җумһурийити ички ишлар министири сүләйман сойлу тивиттер адреси арқилиқ байанат берип, мәзкур зәрбә бериш һәрикәтлири сайисида дөләт ичидә йәнә 5 террорчиниң йоқалғанлиқини билдүрди вә қечип кәткән 5 террорчиға хитаб қилип, «қечип кәткән 5 террорчи өзүңларни тәләйлик дәп ойлап қалмаңлар... қәһриманлар изиңларни қоғлаватиду...» дәп йазди.

йәнә бир тәрәптин, җамаәт хәвпсизлик вә жандарма қисимлириниң, аилиләрниң йеқиндин қоллиши арқсиида елип барған қайил қилиш хизмәтлири сайисида бөлгүнчи террорлуқ тәшкилати п к к сепидики йимирилишләр давам қилмақта.

бу даиридә, террорлуқ тәшкилатиниң сүрийә қанитиға қатнашқан 2 террорчи, мардинда хәвпсизлик күчлиригә тәслим болди.

шундақ қилип 1 – йанвардин буйан қайил қилиш йоли арқилиқ тәслим болған террорчилар сани 78 гә йәтти.



مۇناسىۋەتلىك خەۋەرلەر