türkiye albaniye we shimaliy makédoniyege tébbiy lazimetlik yardem qildi

türkiye awazi radiyosi xewiri: jumhur reis rejep tayyip erdoghanning yolyoruqigha asasen, türkiye «wuxen wirusi» gha qarshi kürishige yardem bérish meqsitide, shimaliy makédoniyege, 75 ming opratsiye maskisi, 10 ming nitril peley, 10 ming qoghdinish tulumi, 2 ming qoghdinish közeyniki, 2 ming N149 maska؛ albaniyege 75 ming opératsiye maskisi,  4 ming nitril peley , 2 ming tulum we 2 ming qoghdinish közeyniki ewetti.

türkiye qizilay jemiyiti teripidin ewetilgen tébbiy lazimetlikler, enqerediki etimesgut herbiy ayrodurumida türkiye armiyesige ait ayropilangha yüklendi, yüklesh tamamlanghandin kéyin, ayropilan albaniye we shimaliy makédoniyege qarap yolgha chiqti.

ayropilanni uzitip qoyush murasimigha qatnashqan türkiye qizilay jemiyitining bash diréktori ibrahim altan, muxbirlargha bergen bayanatida, shimaliy makédoniye we albaniyedin sirt yene, dominik, hayti, polsha we moldowa qatarliq döletlergimu yardem bérilgenlikini tekitlep mundaq dédi: «türkiye qizilay jemiyiti tébbiy lazimetliklerni ewetken döletlerning sani 17 ge yetti. bu heqtiki paaliyetlirimiz izchil dawamlishidu. xelqimizning qizghin qollishi astida türkiyening méhir - shepqet qolini dunyaning herqaysi jaylirigha yetküzüshni dawamlashturimiz. yardem telep qilghan döletler türkiyege minnetdarliq bildürüp, rehmet éytmaqta.»

türkiye bélgiyediki liégé waliy mehkimisining «wuxen wirusi» gha qarshi küresh dairisidiki yardem telipige binaen, waliy mehkimisige 20 ming maska ewetti.

ianiler, türkiyening biryéssél elchixanisida tünügün ötküzülgen murasim arqiliq bash elchi doktor hesen ulusoy arqiliq liégé waliysi hérwé jamargha tapshurup bérildi.

waliy jamar, yardem üchün türkiyege rehmet éytti, hemde maskilarning doxturxanilar we sanatoriyelerdiki éhtiyajliq kishilerge tarqitip bérilidighanliqini eskertish bilen bir waqitta, rayonidiki türk jemiyetlirining hemkarliq paaliyetliridin intayin xursen ikenliklirinimu sözlirige ilawe qildi.