türkiyening 2 – yardem ayropilanimu amérikagha yétip bardi
türkiye amérika qoshma ishtatlirigha ewetken tébbiy lazimetlikler qachilanghan 2 – herbiy yük ayropilani paytext washingtongha yétip bardi.
türkiye awazi radiyosi xewiri: jumhur reis rejep tayyip erdoghanning yolyoruqigha asasen ewetilgen, tébbiy lazimetlikler qachilanghan türkiye armiyesige ait « C-130» tipliq herbiy yük ayropilani, shu jay waqti saet 16 din 20 minut ötkende (enqere waqti saet enqere waqti 23 din 20 minut ötkende) paytext washington etrapidiki adréws hawa armiyesi bazisigha qondi.
ayropilandiki tébbiy lazimetlikler qachilanghan yéshiklerning üstige, jumhur reislik sariyi belgisi qadaldi, hemde 13 – esirde yashap ötken alim, mutesewwip mewlana jalalidin rumining «ümidsizliktin kéyin qanchilighan ümidler bardur, qarangghu tünlerdin kéyin san – sanaqsiz tanglar atidu» dégen sözliri ingiliz we türk tillirida yézildi.
seyshenbe küni ewetilgen tunji ayropilandikige oxshashla, bu qétimqi ayropilandiki yéshiklermu maska, tulum, yüzni qoghdash üskünisi, dézinféksiye dorisi, we qoghdinish közeyniki qatarliq tébbiy lazimetliklerni öz ichige alidu.
türkiye «wuxen wirusi» gha qarshi küresh tedbirliri dairiside 55 döletkimu tébbiy lazimetlikler yardem qilghanidi.