әрдоған карантин тәдбирләрниң һейтқичә давамлишидиғанлиқини билдүрди

түркийә җумһур рәиси рәҗәп таййип әрдоған түркийәдә «дунйави апәт» болған вухән вируси(Kovid-19) сәвәбидин пәйда болуватқан кесәллик вә өлүм саниниң күндин күнгә азийиватқанлиқини билдүрди.

1406364
әрдоған карантин тәдбирләрниң һейтқичә давамлишидиғанлиқини билдүрди

түркийә авази радийоси хәвири: рәҗәп таййип әрдоған 5-қетимлиқ җумһур рәислик кабент телевизийә йиғинидин кейин муһим байанатларни елан қилди.

у дөләт вә милләт болуш сүпитидә елип бериливатқан вухән вирусиға қарши күрәшниң конкрет нәтиҗилири елинишқа башланған дәвргә қәдәм қойулғанлиқини әскәртип, йеңи бемар вә өлүм саниниң күндин күнгә азийиватқанлиқини билдүрди.

у: «бу мусапидә һечким зийанға учримиди, дохтурхана дәрвазисидин кәйнигә қайтурулмиди, йалғуз ташлап қойулмиди. әң тәрәққий қилған дөләтләр чарәсиз қалған мәсилиләрдә, биз достлиримизға йардәм қилиш сәвийәсигә кәлдуқ. түркийә 55 дөләткә вабаға қарши туруш мәқситидә тиббий лазимәтлик йардәм қилди. әтә (28-апрел) америкаға маска, йүз қоғдиғучи, тиббий кийим-кечәк, N95 типлиқ маска, тулум вә дизинфексийә суйуқлуқи қатарлиқ тиббий лазимәтликләрни әвәтимиз. әтә түркийә армийәсиниң һәрбий тирансипорт айропиланлири америкаға қарап учиду» деди.

у вабаға қарши туруш рамкисида һәптә ахирлири 31 вилайәттә йолға қойулған кочиға чиқишни чәкләш бәлгилимисиниң роза һейт (2020-йили 23-май) қичә давамлишидиғанлиқини қәйт қилди. у мундақ деди:

«иҗабий йүзлиниш давамлашқан әһвалда дөләт миқйасида турмушни нормаллаштуруш үчүн пилан тәййарлаватимиз. киризистин кейин йеңи тәртипкә киридиған дунйада, түркийәниң җумһурийәт қурулғанлиқиниң 100-йиллиқи болған 2023-йил нишанидин һалқиған нуқтиға йетидиғанлиқиға ишинимән.»



مۇناسىۋەتلىك خەۋەرلەر