تۈركىيەنىڭ تېببىي ياردەم بۇيۇملىرى بېسىلغان ئايروپىلان سومالىغا يېتىپ باردى

تۈركىيە ئاۋازى رادىيوسى خەۋىرى: تۈركىيە جۇمھۇرىيىتى دۆلەت مۇداپىئە مىنىستىرلىقىنىڭ تۋىتتېر ھېسابىدا ئېلان قىلىنغان باياناتىغا قارىغاندا، سەھىيە مىنىستىرلىقى بىلەن تۈركىيە قىزىل ھىلال ئاي جەمئىيىتى تەرىپىدىن تەييارلانغان كوۋىد – 19 غا قارشى كۈرەشتە ئىشلىتىلىدىغان ساغلاملىق بۇيۇملىرى بىلەن رايوندا ۋەزىپە ئۆتەۋاتقان ئەسكەرلەرنىڭ كېرەكلىك لازىمەتلىرى بېسىلغان تۈركىيە ئارمىيەسى ئايروپىلانى پايتەخت موقدىشۇغا يېتىپ بارغان.

سومالى سەھىيە مىنىستىرى ياردەمچىسى مۇھەممەد سەئىد ئايروپىلاندىكى خىزمەتچى خادىملارنى كۈتۈۋالغان.