түркийәниң йавропа иттипақи вакаләтханисиниң бир хизмәтчиси йуқум сәвәбидин қаза қилди
түркийәниң йавропа иттипақи даимий вакаләтханисиниң бир хадими вухән вируси (йеңи типтики таҗсиман вируслуқ өпкә йаллуғи йуқуми – ковид – 19) дин йуқумлинип қаза қилди.
түркийә авази радийоси хәвири: түркийәниң йавропа иттипақи даимий вакаләтханисида ашпәзлик қиливатқан әһмәт әғри бир мәзгил җиддий қутқузуш бөлүмидә йатқандин кейин вапат болди.
дөлитимиз (түркийә җумһурийити) ташқи ишлар министири мәвлүт чавушоғлу тивиттер адресида учур тарқитип, «йавропа иттипақи даимий вакаләтханимизниң төһпикар хадими әһмәт әғри қериндишимиз ковид – 19 дин давалиниватқан бирйусселда һәқниң рәһмитигә наил болди. аллаһ рәһмәт қилсун! аилиси вә хизмәтчилиримизгә сәвр тиләймән» дегәнләрни қәйт қилди.
түркийә йавропа иттипақида турушлуқ даимий вәкили баш әлчи мәһмәт кәмал бозайму телеграмма тарқитип, әһмәт әғри үчүн аилә – тавабиатлири вә министирлиқ хадимлириға тәзийә билдүрди.
йуқум сәвәбидин қаза қилғанлар сани 2035 кә, йуқумланғучилар сани 22194 кә йәткән белгийәдә, вапат болған түркләрниң сани 16 гә йәтти.
