әрдоған вирусқа қарши икки дохтурхана селинидиғанлиқини билдүрди

түркийә җумһур рәиси рәҗәп таййип әрдоған 19-ковид (Kovid-19) ға қарши туруш даирисидә, истанбулда икки дохтурхана селинидиғанлиқини елан қилди.

1392478
әрдоған вирусқа қарши икки дохтурхана селинидиғанлиқини билдүрди

түркийә авази радийоси хәвири: җумһур рәис рәҗәп таййип әрдоған вухән вирусиға қарши тәдбирләр рамкисида ечилған ички кабентниң телевизийә йиғинидин кейин, байанат елан қилди.

у вирусқа қарши қәдәмму қәдәм йеңи қарарларниң елинғанлиқини билдүрүп: «йешил көйдики ататүрк айродуруми вә санҗактәпәдә бир қанчә миң кишилик дохтурхана салимиз. 45 күн ичидә буларни пүткүзимиз» деди.

у күнлүки 20 миңниң үстидә вухән вируси тәкшүрүшиниң елип берилип муһим мусапәләрниң бесилғанлиқини әскәртип, дохтурханиларда дийагноз вә давалашта һечқандақ қийинчилиқниң йоқлуқини тәкитлиди.

у түркийәниң сәһийәдин йемәк-ичмәккә вә ташилиқ малзимилиригичә йахши әһвалда икәнликини билдүрди вә мундақ деди:

«дөләт мушундақ күнләр үчүн бар. намайан қилинған иттипақлиқ, баравәрлик вә һәмкарлиқ үчүн рәһмәт ейтимән. вирусқа қарши тәдбирләр рамкисида, хизмәт қиливатқан вә вәзипә өтәватқанлардин башқа барлиқ пуқраларниң өйидә турушини капаләткә игә қилип, кишиләрниң бериш-келишлирини әң төвән чәккә чүшүрүштә қәтий қарарға игимиз. бу вирусниң үстидин ғәлибә қилиш имканийитигила әмәс, бәлки охшаш вақитта йәнә, үстүн роһи кәйпийатқа вә қәтий ирадигә игимиз. өйдә өткүзгән күнләрдә топлиған енергийәмиздин, иншааллаһ йеңи дәврдә техиму көп ишләп вә техиму көп ишләпчиқирип пайдилинимиз.»   



مۇناسىۋەتلىك خەۋەرلەر