erdoghan yuqum toghrisida téléwiziye nutqi sözlidi

jumhur reis rejep tayyip erdoghan, türkiyening wuxen wirusi (yéngi tiptiki tajsiman wirusluq öpke yallughi yuqumi – kowid – 19) gha qarshi turush küresh dairiside tashlanghan qedemler heqqide toxtaldi.

1385264
erdoghan yuqum toghrisida téléwiziye nutqi sözlidi

türkiye awazi radiyosi xewiri: jumhur reis rejep tayyip erdoghan, türkiyening wuxen wirusi (yéngi tiptiki tajsiman wirusluq öpke yallughi yuqumi – kowid – 19) gha qarshi küresh dairiside tashlanghan qedemler heqqide toxtilip, «késellikning tarqilish nisbitini 2- 3 hepte ichide tizginlep, bu musapidin imkaniyetning yar bérishiche eng qisqa waqit we eng az ziyan bilen chiqimiz» dédi.

jumhur reis erdoghan kowid – 19 gha taqabil turush xizmetliri dairiside yolgha qoyulghan chare – tedbirler we nöwettiki ehwallar toghrisida qilghan téléwiziye nutqida, ««türkiye késellik tunji otturigha chiqqan kündin tartip özgirishlerni yéqindin közetken, waqtida tedbir qollanghan az sandiki döletlerning biridur» dédi

türkiyening sehiye xizmetlirining sighimchanliqi we süpitidin héchkimning gumanlanmasliqi kéreklikini telep qilghan erdoghan, herxil ehwallargha qarita teyyarliqlarning qilinghanliqini tekitlep, «yaxshi shekilde özara yiraq turush arqiliq 2 - 3 hepte ichide késellikning tarqilish nisbitini tizginlep, bu musapidin imkaniyetning yar bérishiche eng qisqa waqit we eng az ziyan bilen choqum qurtulimiz. eksiche bolghanda, etrapimizda nurghun misallirini körginimizdek, téximu éghir aqiwetler we buninggha mas halda téximu éghir tedbirler bilen uchrishishimiz muqerrerdur» dégenlerni qeyt qildi.

erdoghan özining tiwittér hésabida téléwiziye nutqining sin körünüshi bilen birlikte tarqatqan uchurida, «héchbir düshmen xelqimizning birliki, barawerliki, küchi, we izzet - hörmitidin üstün emes. inshaallah bu wirusning tehditinimu birlik, barawerlik ichide yéngimiz» dégen ibarilerge orun berdi.



مۇناسىۋەتلىك خەۋەرلەر