әрдоған йуқум тоғрисида телевизийә нутқи сөзлиди

җумһур рәис рәҗәп таййип әрдоған, түркийәниң вухән вируси (йеңи типтики таҗсиман вируслуқ өпкә йаллуғи йуқуми – ковид – 19) ға қарши туруш күрәш даирисидә ташланған қәдәмләр һәққидә тохталди.

1385264
әрдоған йуқум тоғрисида телевизийә нутқи сөзлиди

түркийә авази радийоси хәвири: җумһур рәис рәҗәп таййип әрдоған, түркийәниң вухән вируси (йеңи типтики таҗсиман вируслуқ өпкә йаллуғи йуқуми – ковид – 19) ға қарши күрәш даирисидә ташланған қәдәмләр һәққидә тохтилип, «кесәлликниң тарқилиш нисбитини 2- 3 һәптә ичидә тизгинләп, бу мусапидин имканийәтниң йар беришичә әң қисқа вақит вә әң аз зийан билән чиқимиз» деди.

җумһур рәис әрдоған ковид – 19 ға тақабил туруш хизмәтлири даирисидә йолға қойулған чарә – тәдбирләр вә нөвәттики әһваллар тоғрисида қилған телевизийә нутқида, ««түркийә кесәллик тунҗи оттуриға чиққан күндин тартип өзгиришләрни йеқиндин көзәткән, вақтида тәдбир қолланған аз сандики дөләтләрниң биридур» деди

түркийәниң сәһийә хизмәтлириниң сиғимчанлиқи вә сүпитидин һечкимниң гуманланмаслиқи керәкликини тәләп қилған әрдоған, һәрхил әһвалларға қарита тәййарлиқларниң қилинғанлиқини тәкитләп, «йахши шәкилдә өзара йирақ туруш арқилиқ 2 - 3 һәптә ичидә кесәлликниң тарқилиш нисбитини тизгинләп, бу мусапидин имканийәтниң йар беришичә әң қисқа вақит вә әң аз зийан билән чоқум қуртулимиз. әксичә болғанда, әтрапимизда нурғун мисаллирини көргинимиздәк, техиму еғир ақивәтләр вә буниңға мас һалда техиму еғир тәдбирләр билән учришишимиз муқәррәрдур» дегәнләрни қәйт қилди.

әрдоған өзиниң тивиттер һесабида телевизийә нутқиниң син көрүнүши билән бирликтә тарқатқан учурида, «һечбир дүшмән хәлқимизниң бирлики, баравәрлики, күчи, вә иззәт - һөрмитидин үстүн әмәс. иншааллаһ бу вирусниң тәһдитиниму бирлик, баравәрлик ичидә йеңимиз» дегән ибариләргә орун бәрди.



مۇناسىۋەتلىك خەۋەرلەر