chawushoghlu chetellerde wuxen wirusi sewebidin qaza qilghan türkiye puqraliri heqqide toxtaldi
tashqi ishlar ministiri mewlut chawushoghlu chetellerde 32 türkiye puqrasining yéngi tiptiki wuxen wirusi sewebidin qaza qilghanliqini bildürdi.
türkiye awazi radiyosi xewiri: paytext enqerede chetellerdin élip kélingen türkler toghrisidiki eng yéngi ehwal heqqide melumat bergen chawushoghlu bu qétim 11 nöwetchi ayropilan bilen 8 dölettin 2721 oqughuchining döletke élip kélingenliki we karantinagha élinghanliqini élan qildi.
mewlut chawushoghlu chetellerde 32 türkiye puqrasining wuxen wirusi sewebidin qaza qilghanliqini bildürüp, ularning jinazilirining türkiyege élip kélinidighanliqini éytti.
chawushoghlu bezi döletlerge ewetilgen tibbiy esliheler üstidimu toxtilip, 69 dölettin tibbiy eslihe yardem telipi kelgenlikini we 17 döletke ewetkenlikini bayan qildi.
chawushoghlu ispaniye tashqi ishlar ministiri bilen körüshkenlikini we türkiyedin maska telep qilghanliqinimu eskertip, tibbiy eslihe yardimi heqqide, «xelqara jamaetchilik herqandaq chaghdikige qarighanda téximu köp hemkarlishishi kérek» dédi.
mewlut chawushoghlu: «dölet bolush süpitimiz bilen biz öz wezipimizni ada qiliwatimiz, alaqzade bolushning hajiti yoq, biz bu jeryanlarni birlikte yéngimiz»dédi.
