әрдоған вухән вирусиға қарши тәдбирләр һәққидә муһим сөз қилди

әрдоған иҗтимаий таратқу һесабидики учирида, министирлар билән өткүзгән телефон йиғининиң сүрәтлирини һәмбәһирлиди.

1384174
әрдоған вухән вирусиға қарши тәдбирләр һәққидә муһим сөз қилди

 

түркийә авази радийоси хәвири: җумһур рәис рәҗәп таййип әрдоған вухән вирусиға қарши тәдбирләр үстидә тохтилип, « миллитимизгә тохтавсиз хизмитимизни давамлаштурмақтимиз. биз барлиқ орган вә тәшкилатларниң хизмәтлирини йеқиндин тәқип қиливатимиз һәмдә маслишиш асасида қәдәм ташлашни  давамлаштуриватимиз» деди.

әрдоған иҗтимаий таратқу һесабидики учирида, министирлар билән өткүзгән телефон йиғининиң сүрәтлирини һәмбәһирлиди.

рәҗәп таййип әрдоған түркийәниң вухән вирусиға қарши күрәшлириниң күчәйгән һалда давамлишиватқанлиқини тәкитлиди.

муавин җумһур рәис фуат октай билән өткүзгән учришишида ток талонлирини кечиктүрүш күнтәртипкә кәлгәнликини билдүргән әрдоған, ички ишлар министири сулайман сойлу билән өткүзгән  сөһбитиидә, аммивий қатнашни ишлитиш нисбитидики төвәнләш һәққидә мәлумат алғанлиқини әскәртти.

әрдоған миллий маарип министири зийа сәлҗуқниң йирақтин оқутуш мулазимитини тәбриклигәнликини вә илмий һәйәтниң мәктәп тәтилини узартиш һәққидики тәвсийәлиригә җиддий қарайдиғанлиқини ейтти.

җумһур рәис рәҗәп таййип әрдоған сәһийә министири фаһрәттин коҗа билән өткүзгән учришишида, хитайдин елип келингән 50 миң вирус тәкшүрүш әсвабиға мунасивәтлик йеңи әһваллар һәққидә мәлумат алғанлиқини қайт қилди.



مۇناسىۋەتلىك خەۋەرلەر