chet ellerdiki türk oqughuchilar memleketke qayturup kélindi
yéngi tiptiki wuxen wirusi sewebidin uchush cheklengen döletler arisidiki engiliye, irélandiye, shiwéyétsariye we polshadin memliketke qaytishni xalaydighan oqughuchilarning hemmisi qayturup kélindi.
türkiye awazi radiyosi xewiri: muawin tashqi ishlar ministiri yawuz selim kiran tiwittérda tarqatqan uchirida, wuxen wirusi sewebidin uchush cheklengen mezkur 4 dölettiki türk oqughuchilarning türkiye hawa yolliri shirkiti ayropilani bilen qaytip kelgenlikini bildürdi.
yawuz selim kiran oqughuchilarning ayropilandin chüshken süretlirini hembehirliship, «öyinglargha, ailenglargha qaytip kelgininglarni qarshi alimiz! hazir karantina arqiliq tedbir alidighan waqit»dégenlerni yazdi.
dölitimiz tashqi ishlar ministiri melüt chawushoghlumu wuxen wirusi sewebidin uchush cheklengen 7 dölettin 3358 oqughuchining türkiyege qaytishni iltimas qilghanliqini buldürgen hemde yene oqughuchilar qaytip kelgendin kéyin hemmisining choqum 14 küngiche karantinagha élinidighanliqini uqturghan idi.
