erdoghan sehiye xadimlirigha rehmet éytti

jumhur reis rejep tayyip erdoghan «wuxen wirusi» gha qarshi küresh dairiside wezipe ötewatqan sehiye xadimlirigha rehmet éytti.

1381955
erdoghan sehiye xadimlirigha rehmet éytti

türkiye awazi radiyosi xewiri: erdoghan ammiwi ortaqlishish tor béti Twitter sehipiside bu heqte élan qilghan bayanatida mundaq dédi: «<wuxen wirusi> gha qarsha küreshte adettin tashqiri derijide pidakarliq körsitip, harmay – talmay wezepe ötewatqan  barliq sehiye xadimlirimizgha köptin köp rehmet éytimen. allah taalaning yardimi, xelqimizning qizghin qollishi astida bu qiyin ötkeldin choqum muweppeqiyetlik halda ötimiz.»

bu ariliqta, sehiye ministiri fahrettin kojaning, «wuxen wirusi» gha taqabil turush üchün jan pidaliq bilen xizmet ishlewatqan sehiye xadimlirini alqishlash chaqiriqi keng xelq ammisining qizghin qollishigha érishti.

ammiwi taratqularda bu heqte seperwerlik herikiti  bashlanghan bir peytte,  saet 21 bolghanda pütkül türkiye miqyasida hemme bir gewdige aylandi.

minglarche kishi sehiye xadimlirini alqishlash üchün öylirining balkonigha chiqip, alqish yangratti.

hökümet ezaliri, siyasiy partiyelerning wekillirimu ammiwi taratqulardiki sehipiliridin seperwerlik herikitini qollidi.

seperwerlik herikiti chaqiriqining keng xelq ammisining qizghin qollishigha érishishidin kéyin, sehiye ministiri fahrettin koja ammiwi ortaqlishish tor béti Twitter sehipiside, «saet 21 de sehiye xadimlirimizgha alqishlirini ipadiligenliking üchün sanga köptin köp rehmet türkiye!» serlewhilik uchur élan qilip mundaq dédi: «siler alqishliringlar arqiliq, sadaqetmenlik bilen wezipe ötewatqan sehiye xadimlirimizgha cheksiz ilham béghishlidinglar. etimu, uningdin kéyinki künmu oxshash saette sehiye xadimlirimizgha minnetdarliqimizni tekrar ipadileyli!»



مۇناسىۋەتلىك خەۋەرلەر