әрдоған иқтисадий муқимлиқ қалқини пиланини елан қилди
җумһур рәис рәҗәп таййип әрдоған 2019-йили декабирда хитайда оттуриға чиққан вухән вируси (Kovid-19) ниң дөлитимизгә пәйда қилған тәһдитини әң қисқа вақитта йоқитиш үчүн, дөләтниң пүткүл имканийәтлирини сәпәрвәрликкә кәлтүргәнликлирини билдүрди.
түркийә авази радийоси хәвири: түркийә җумһур рәиси рәҗәп таййип әрдоған пайтәхт әнқәрәдә өткүзүлгән «вухән вирусиға қарши турушни маслаштуруш йиғини» да муһим сөз қилди.
у: «буниңдин бурун елан қилинған тәдбирләргә бирликтә аңлиқ риайә қилсақ өйдин чиқмаслиқ вақтини үч һәптидин ашурувәтмәймиз. хәлқниң һәр бир нәпиридин вухән вирусиниң тәһдити өтүп кәткичә имканийәтниң беричә өйлиридин чиқмаслиқини сораймән» деди.
у вирусниң түркийәгә кейин вә чәклик һалда йетип кәлгәнликини әскәртип, бу вәзийәтниң мушу шәкилдә қелиши үчүн керәклик хизмәтләрниң ишләнгәнликини қәйт қилди.
у вухән вируси мәсилисиниң иқтисадий тәсирлирини биринчи күнидин башлапла йеқиндин көзитип кәлгәнликлирини билдүрүп: «икки айлиқ қаршилиқ көрситиш басқучидин оңушлуқ һалда өтүп кетидиғанлиқимизға ишинимән» деди.
у: «иқтисадта һөкүмитимиз вә мунасивәтлик идарә-органлиримиз, барлиқ сода-санаәт дунйасиниң тәләплирини вә тәклип-пикирлирини топлап, тәййарлиқлирини пүткүзди» деди.
у ахирида, барлиқ сода-санаәт саһәсигә мунасивәтлик «иқтисадий муқимлиқ қалқини» намлиқ 100 милйард лиралиқ пилан лайиһәсиниң тәпсилатини тонуштурди.