chawushoghlu diplomatlardin wuxen wirusi toghrisida melumat aldi

türkiye awazi radiyosi xewiri: türkiye tashqi ishlar ministiri mewlüt chawushoghlu wuxen wirusi (Kovid-19) ning tesiri éghir bolghan döletlerdin xitay, italiye, iran we iraq qatarliq döletlerde wezipe ötewatqan bash elchiler we konsullar bilen körüshüp, bu döletlerdiki özgirishler, türkiye puqraliri heqqide melumat aldi.

diplomatik menbelerdin élinghan melumatlargha asaslanghanda, mewlüt chawushoghlu türkiyening béyjing, rim, watikan, téhran we baghdadta turushluq bash elchilerdin bashqa, bu döletlerde turushluq konsullar bilenmu wédio konférans shekli bilen körüshti.

u bu döletlerde wezipe ötewatqan tashqi ishlar ministirliqi xadimlirining ehwalini sorighanda, barliq xadimlarning salametlik ehwalining yaxshi ikenliki toghrisidiki melumatni aldi.

u mezkur döletlerdiki wuxen wirusi toghrisidiki melumatlarni anglighandin kéyin, bu döletlerde turushluq türkiye puqralirining ehwalinimu igilidi.

türkiyening béyjingda turushluq bash elchisi emin önen, téhranda turushluq bash elchi derya örs, baghdadta turushluq bash elchi fatih yildiz, rimda turushluq bash elchi murat salim esenli we watikanda turushluq bash elchi lutfullah göktash yighingha qatnashti.

bulardin bashqa yene, guangju, xongkong, shangxey, meshhed, tebriz, urumiye, besre, erbil, musul we milanoda turushluq konsullarmu yighingha ishtirak qildi.