chet ellerde turushluq türkiye puqralirigha muhim agahlandurush!!!
türkiyening yéngi tiptiki wuxen wirusi (Kovid-19) gha qarshi aldini élish tedbirliri dairiside, uchush cheklimisi qoyulghan 11 dölette turushluq sayahetchi yaki oqughuchi türkiye puqralirining 18 – martqiche memliketke qaytalaydighanliqi élan qilindi.
türkiye awazi radiyosi xewiri: qatnash we ul - eslihe ministirliqiining yazma bayanatida, wuxen wirusi (Kovid-19) gha qarshi aldini élish tedbirliri dairiside, türkiye, ezerbeyjan, giruziye, gérmaniye, firansiye, ispaniye, norwégiye, daniye, bélgiye, awistiriye, shwétsiye we gollandiyege ayropilan qatnashlirining 14 - mart etigen saet 08:00 din 17 – aprélghiche waqitliq toxtitilghanliqi eskertildi.
bayanatta, ayropilan qatnishi meniy qilinghan döletlerdiki türkiye puqralirining 14 künlük karanténa sherti bilen 17 – mart saet 24:00 giche türkiyege qaytsa bolidighanliqi uqturuldi.
muawin tashqi ishlar ministiri yawuz selim kiran ayropilan qatnishi cheklengen yawropadiki 9 dölette turushluq türk oqughuchilar we sayahetchilerning türkiye awiatsiye shirkiti we bashqa munasiwetlik awiatsiye shirketliri bilen alaqilashsa bolidighanliqini bildürdi.
bu ariliqta, tashqi ishlar ministirliqining konsulxanilar bashqarmisi alaqilishish merkizide, wuxen wirusi «krizis bashqarmisi» quruldi. bu orun 7 kün, 24 saet dunyaning hemmila yéridiki türkiye puqralirigha mulazimet qilidu.
türkiye puqraliri yardem üchün merkezning «+90 312 292 29 29» nomurigha téléfon qilsa bolidu.
ministirliq yene, chet ellerde turushluq türkiye puqralirining wuxen wirusining nöwettiki ehwali sewebidin alaqzade bolmasliqi, temkin heriket qilip, adem köp jaylardin yiraq turushi kérekliki heqqide agahlandurush élan qildi.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.
