türkiye heyiti rusiye terepke urush toxtitishning zörürlükini bildürdi

türkiye – rusiye heyetlirining idlib mesilisige munasiwetlik üchinchi basquchluq muzakiriliri paytext enqerede ötküzüldi.

1368984
türkiye heyiti rusiye terepke urush toxtitishning zörürlükini bildürdi

türkiye awazi radiyosi xewiri: türkiye heyitige türkiye muawin tashqi ishlar ministiri bash elchi sedat önal, rusiye heyitige, rusiye pirézidénti wiladimir putinning süriye alahide wekili aléksandar lawréntiéw bilen rusiye muawin tashqi ishlar ministiri sérgéy wérshinin riyasetchilik qildi.

diplomatik menbelerning bildürüshiche, tünügünki muzakiriler rusiyening telipige binaen ishqa ashurulghan bolup, muzakirilerde, türkiye terep rusiye terepke, derhal urush toxtitish élan qilinishi, sürkilishni azaytish we beshshar esed küchlirining «sochi kélishimi» da belgilengen chégra liniyelirige chékinishining zörürlükini otturigha qoyghan. muzakirilerning axirlishishidin kéyin rusiye heyiti türkiyedin ayrilghan.

türkiye we rusiye heyiti ilgiri idlib mesiliside hem enqere hem moskwada ikki basquchluq muzakirilerni élip barghanidi.


خەتكۈچ: #muzakire , #idlib , #heyet , #rusiye , #türkiye

مۇناسىۋەتلىك خەۋەرلەر