aqar amérika dölet mudapie ministiri bilen téléfonda körüshti

türkiye awazi radiyosi xewiri: türkiye dölet mudapie ministirliqining bildürüshiche, téléfon söhbitide, süriyening idlib rayonidiki kirizisni hel qilishni öz ichige alghan ikki tereplik, rayonluq mudapie we bixeterlik mesililiri heqqide muzakire élip bérilghan.

amérika qoshma ishtatliri dölet mudapie ministirliqi teripidin bu heqte élan qilinghan bayanatta mundaq déyildi: «téléfon söhbitidimu muzakire qilinghinidek, amérika türkiye we xelqara jemiyet bilen birlikte heriket qilishning yolliri üstide izdiniwatimiz.»

amérika qoshma ishtatliri dölet mudapie ministirliqi bayanatchisi podpolkownik karla géléason, bu heqte élan qilghan bayanatida mundaq dédi: «ikki ministir, rusiye we iran yardem bériwatqan beshshar esed küchlirining idlibtiki xainlarche zorawanliqi, buning süriyening gherbiy shimaliy qismida seweb boluwatqan insaniy kirizis we liwiyediki özgirishler heqqide muzakire élip bardi.»