türkiye «wuxen wirusi» gha qarita küchlük tedbirlerni yolgha qoydi

2019 – yili dékabirda xitayning wuxen shehiride otturigha chiqqan yéngi tiptiki tajsiman wirusqa qarita tégishlik tedbirlerni yolgha qoyghan türkiye, bu wirus körülüp qalghan teqdirde tashlinidighan qedemlerning pilanlirini tüzüp chiqti.

1366621
türkiye «wuxen wirusi» gha qarita küchlük tedbirlerni yolgha qoydi

türkiye awazi radiyosi xewiri: türkiye, wuxen wirusining xitaydin kéyin bashqa döletlerdimu bash kötürüshke bashlishi bilen teng, küchlük sehiye tarmaqliri sayisida tunji bolup heriketke ötken döletlerdin biri boldi؛ sehiye ministirliqi tetqiqat orgini «2019-nCov késelliki qollanmisi» teyyarlap, 14 – yanwarda neshr qildi.

wirusning otturigha chiqishi bilen 21 – yanwarda chégra we déngiz qirghiqi sehiye ishliri mudirliqliri xadimliri, istanbul ayrodurumidin bu döletke qatnaydighan hawa we quruqluq qatnishi shirketlirini tedbir élish toghrisida agahlandurdi.

tetqiqat orginining tejribilik tetqiqatchilar ishtirak qilghan yighini 22- yanwarda chaqirildi. shu küni xitayning bir awiyatsiye shirkitining wuxen – istanbul qatnishi toxtitildi.

1 – féwralda türkiye puqralirini qayturup kélish üchün xitayning wuxen shehirige barghan herbiy ayropilan, 42 ademni élip türkiyege qaytti.

5 – féwraldin bashlap xitaydin kélidighan barliq awiyatsiye qatnishi toxtitildi.

wirus iranda bash kötürgendin kéyin, ikki dölet arisidiki quruqluq chégraliri 23 – féwralda taqiwétildi. arqidin awiyatsiye qatnishighimu cheklimiler qoyuldi. tünügün (25- féwral) irandiki türkiye puqraliri qayturup kélindi.

türkiyede késellik bayqalghan teqdirde tashlinidighan qedemler mueyyenleshturuldi. barliq sehiye orunliri bu heqtiki uchurlardin waqiplanduruldi we teyyar haletke keltürüldi. doxturxanilarda tégishlik tedbirler yolgha qoyuldi, nuqtiliq doxturxanilar békitilip, ayrim yataqlar tesis qilindi. wirusqa taqabil turushta ishlitilidighan dora zapisi yéterlik sewiyege yetküzüldi.

yuqumdin saqlinish üchün maska we sehiye xadimliri üchün tébbiy lazimetlikler bilen kiyim – kéchekler teyyarlandi.

kowid-19 üchün yerlik diyagnoz qoyush usuli tépip chiqilip, 90 minut bilen 120 minut ichide diyagnoz netijisini élish kapaletke ige qilindi.

bu jeryanda sehiye ministiri fahrettin koja anadolu agéntliqining tehrirler üstili söhbet pirogrammisida söz qilip, hazirghiche türkiyede birmu yéngi tiptiki tajsiman wirus bilen yuqumlanghan öpke yallughi (kowid-19) bimarining bayqalmighanliqini éytti.

«barliq teyyarliqlirimiz bar. qilinishi kérek bolghan herqandaq ishqa hemmila jehettin teyyarmiz» dégen ministir koja, irangha qarita yolgha qoyulghan tedbirler dairiside 4 chégra éghizigha sehra doxturxanilirining tesis qilinghanliqini eskertti we sözini dawamlashturup, «yéngi tiptiki tajsiman wirus 33 dölette körüldi, türkiyede yoq, bolmasliqi üchün küch chiqiriwatimiz. xelqimiz xawatirlenmisun.» dégenlerni qeyt qildi.

dunya sehiye teshkilati, yéngi tiptiki tajsiman wirus toghrisida 30 – yanwarda bayanat bérip, «xelqara amma saghlamliqi jiddiy haliti» élan qilghanidi.

xitayning wuxen shehiride otturigha chiqqan wirus yüzisidin hazirghiche 2700 din artuq jénidin ayrildi, 30 din artuq döletke tarqalghan wirus tüpeyli karantinagha élinghanlar sani 80 mingdin ashti.


خەتكۈچ: #wirus , #tajisiman , #korona , #wuxen , #türkiye

مۇناسىۋەتلىك خەۋەرلەر