jumhur reislik mehkimisi türkiyede wuxen wirusi bayqalghanliqi toghrisidiki dewalarni ret qildi

türkiye jumhuriyiti jümhur reislik mehkimisi uchur – alaqe ishliri idarisi, türkiyede yéngi tiptiki tajisiman wirusning bayqalghanliqi toghrisidiki söz – chöcheklerning emeliyettin yiraq ikenlikini uqturdi.

jumhur reislik mehkimisi türkiyede wuxen wirusi bayqalghanliqi toghrisidiki dewalarni ret qildi

türkiye awazi radiyosi xewiri: türkiye jumhuriyiti jümhur reislik mehkimisi uchur – alaqe ishliri idarisi yazma bayanat élan qilip, türkiye jumhuriyiti dölitining sehiye ministirliqi bashta bolup barliq munasiwetlik idare - organlirining, xitay xelq jumhuriyitide otturigha chiqqan kowid-19 (yéngi tiptiki tajisiman wirus) yuqumigha qarita zörür bolghan barliq chare – tedbirlerni yolgha qoyghanliqini uqturdi.

yuqumni döletning tewelikige kirgüzmeslik üchün barliq xizmetlerning nahayiti estayidilliq bilen ishliniwatqanliqi tekitlengen bayanatta, «igilengen eng yéngi uchurlargha asaslanghanda, dölitimizde birmu yéngi korona wirusi körülmidi. bu heqte ijtimaiy taratqularda orun alghan türkiyede koruna wirusi bayqalghanliqi toghrisidiki dewalar heqiqetni eks ettürmeydu. médiya organlirimizning, médiya mensuplirimizning we barliq puqralirimizning sehiye ministirliqimiz bashta bolup resmiy menbelerni asas qilishi, buning sirtida bu heqte élan qilinghan bayanatlarni yaki ilgiri sürülgen dewalarni nezerge almasliqi alahide ütünülidu» dégen ibarilerge orun bérildi.

 


خەتكۈچ: wirus , xitay , türkiye

مۇناسىۋەتلىك خەۋەرلەر