rusiyening esedke qilghan yademliri, insaniyetke xilap kirizisni téximu yamanlashturmaqta
jumhur reislik uchur – alaqe idarisi bashliqi fexrittin altun, rusiyening süriyede esed qisimlirigha qiliwatqan yardemlirining rayonda insaniyetke xilap kirizisning téximu yamanliship kétishige seweb bolghanliqini bildürdi.
türkiye awazi radiyosi xewiri: fexrittin altun tiwittér hésabidin élan qilghan bayanatida, jumhur reis rejep tayyip erdoghanning rusiye pirézidénti wiladimir putin bilen jüme küni ötküzgen téléfon söhbitide idlibke alaqidar endishilirini yetküzgenlikini bildürdi.
fexrittin altun rusiyening esed hakimiyitige biriwatqan yardemlirining eslidinla ichinishliq ehwaldiki insaniyetke xilap kirizisning téximu yamanliship kétishige seweb bolghanliqini tekitlep, «chégra rayonimizda 1 milyon panahlanghuchi meslisige we bixeterlikimiz nuqtisidinmu barghanche éship méngiwatqan bir tehditke duch kelmektimiz» dédi.
fexrittin altun sochida rusiye bilen ehdiname tüzülgenlikini we bu ehdinamini ijra qilishqa tirishqanliqini bildürüp yene mundaq dédi:
«barliq tereplerning bergen wedilirige emel qilishini shundaqla muqimliqni ishqa ashurishini ümit qilimiz. shuning bilen birge yene, eskerlirimizge her qandaq bir tehdit shekillengen ehwalda ularni qoghdashtin hergiz chékinmeymiz. héch kishi bizning qetiy iradimizni sinap béqishqa urunmisun. esed hakimiyitining qorqunchluq heriketliri, bigunah kishilerning ölümlirini we rayonimizning muqimsizlishishini keltürüp chiqarmaqta. sewr qachimiz alli burun toldi. biraq rusiyening hemkarlishidighanliqigha ishenmektimiz. shundaqtimu dölet xewpsizlikimizni qoghdashning yollirini izdeshtin chékinmeymiz. milyonlighan bigunah süriye xelqining yürt – makanliridin qoghlap chiqirilishini héch qandaq seweb yolluq körsitelmeydu»
