«идлиб <йол хәритиси> ни сизип чиқтуқ»
җумһур рәис рәҗәп таййип әрдоған «иблиб » ни сизип чиққанлиқлирини ейтти.
түркийә авази радийоси хәвири: әрдоған измирда «мәнәмән – әлиаға – чандарли <дөләтлик таш йоли>» ни ишқа кириштүрүш мурасимида қилған сөзидә, идлиб киризиси һәққидә түнүгүн русийә пирезиденти виладимир путин, фирансийә пирезиденти еммануел макрон вә германийә баш министири ангела меркел қатарлиқ рәһбәрләр билән телефонда көрүшкәникини тәкитләп мундақ деди: «бу һәқтики издинишлиримиздин кейин <идлиб йол хәритиси> ни сизип чиқтуқ, сөһбәт үстилидә икәнликимизни пүткүл җаһанға җакарлаймиз, йәр шари характерлик күчләрниң пиланлириға тәслим болмаймиз, техиму сағлам вә техиму қәтий ирадә билән алға илгириләймиз. дәрвәқә, бүгүн сүрийә, ливийә, ақдеңиз вә районимизда күрәш қилиштин өзимизни тартсақ, буниң үчүн әтә – өгүн еғир бәдәлләрни төләшкә мәһкум болимиз. дөлитимизниң сүрийә вә ливийә сийасити кәлсә – кәлмәс сийасәтләр әмәс. зөрүр тепилғанда, өз алдимизға һәрикәт қилип, дөлитимизни тоғра нишанлириға йәткүзүшкә тиришиватимиз. бу даиридә елип бериватқан күрәшлиримиздә сийасий, дипломатик вә һәрбий күчимизни әң йүксәк сәвийәдә ишқа селиватимиз. худайим буйриса, қийинчилиқлар алдида қилчә арқиға чекинмәстин, дуч келиватқан қийин өткәлләрни бөсүп өтүп, чоқум мувәппәқийәт мәнзилгаһимиз һәм улуғвар нишанимизға йетимиз.»
