әрдоған: путин билән көрүшкәндин кейин идлибниң ақивити ениқ болиду

түркийә җумһур рәиси рәҗәп таййип әрдоған бүгүн (21-феврал) кәч тәрәптә русийә пирезиденти владимир путин билән телефонда көрүшкәндин кейин, сүрийәниң идлиб районида қандақ һәрикәт қилишниң ениқ болидиғанлиқини ейтти.

1364132
әрдоған: путин билән көрүшкәндин кейин идлибниң ақивити ениқ болиду

түркийә авази радийоси хәвири: җумһур рәис рәҗәп таййип әрдоған җүмә намизидин кейин, истанбулда мухбирларниң соаллириға җаваб бәрди.

у идлибтики вәзийәткә «уруш» дәп баһа бәрди вә мундақ деди:

«путин билән телефонда көрүшимән. һазирдин башлап идлибта барлиққа кәлгән барлиқ өзгиришләрни музакирә қилимиз. бәшшар әсәд һакимийити илиб хәлқигә зулум қилишни тохтатмиған тәқдирдә, биз у йәрдин чекинмәймиз. уруш тохтитишни пәқәт мушу усулда әмәлгә ашуралаймиз» деди.

у түнүгүнки икки түркийә әскири шеһит болған һуҗумға һәссиләп җаваб берилгәнликини, 150 кә йеқин бәшшар әсәд һакимийити әскириниң бир тәрәп қилинғанлиқини, 12 танка, үч һәрбий аптомобил, 14 йирақ мусапилиқ зәмбирәк вә икки данә қорал онитилған пикапниң пачақлинип ташланғанлиқини билдүрди.

у бүгүн фирансийә пирезиденти макрон вә германийә баш министири меркел билән телефонда көрүшкәнликини вә уларниң истанбулда русийә пирезиденти путинму қатнашқан бәш тәрәп йиғини өткүзүшни тәклип қилғанлиқини билдүрүп: «путин техи уларға күткәндәк җавабни бәрмиди. бүгүн кәчтики көрүшүшимиздә хәйрилик қәдәм ташлиған болушимизни үмид қилимән. бәшшар әсәд һакимийити илиб хәлқигә зулум қилшни тохтатмиған тәқдирдә, биз у йәрдин чекинмәймиз. уруш тохтитишни пәқәт мушу усулда әмәлгә ашуралаймиз. бихәтәр районда йеңи қәдәм ташлидуқ» деди.



مۇناسىۋەتلىك خەۋەرلەر