идлибта икки әскәр шеһит болди

сүрийәниң идлиб районидики түркийә қисимлириға қилинған һава һуҗумида, икки әскәрниң шеһит болғанлиқи, бәш әскәрниң йариланғанлиқи билдүрүлди.

1363455
идлибта икки әскәр шеһит болди

түркийә авази радийоси хәвири: түркийә дөләт мудапиә министирлиқи идлибтики қисимларға һава һуҗуми қилинғанлиқи тоғрисида байанат елан қилди. байанатта, түркийә қисимлириға һавадин қилинған һуҗумда, икки әскәрниң шеһит болғанлиқи, бәш әскәрниң йариланғанлиқи билдүрүлди.

байанатта йәнә мундақ дейилди:

«идлибта тинчлиқни сақлаш үчүн туруватқан һәрбий қисимлиримизға қилинған һава һуҗумида, икки қәһриман әскиримиз шеһит болди, бәш қәһриман әскиримиз йариланди. бәлгиләнгән нуқтилар от чәмбирики ичигә елинди вә бу давам қиливатиду.»

идлибтики охшимиған мәнбәләрдин елинған әң йеңи мәлуматларға асасланғанда, берилгән қайтурма зәрбидә бәшшар әсәд һакимийитиниң 50 дин артуқ әскири бир тәрәп қилинған. буниңдин башқа, бәш танка, икки һәрбий аптомобил, икки данә қорал орнитилған пикап, бир йирақ мусапилиқ зәмбирәк пачақлап ташланған.       



مۇناسىۋەتلىك خەۋەرلەر