shewket mirziyayéwning ikki künlük türkiye ziyariti bügün bashlinidu

özbékistan pirézidénti shewket mirziyayéw jumhur reis rejep tayyip erdoghanning teklipige binaen bügün we ete türkiyede dölet ishliri ziyaritide bolidu.

1362075
shewket mirziyayéwning ikki künlük türkiye ziyariti bügün bashlinidu

türkiye awazi radiyosi xewiri: jumhur reislik mehkimisi uchur – alaqe ishliri idarisi bayanat bérip, türkiye – özbékistan yuqiri derijilik istratégiyelik hemkarliq kéngishining tunji nöwetlik yighinining bügün erdoghan bilen mérziyayéwning riyasetchilikide paytext enqerede chaqirilidighanliqini bildürdi.

uchrishishlar jeryanida türkiye – özbékistan ikki terep munasiwetlirining herjehettin közdin kechürülidighanliqi, istratégiyelik shérikchilikni chöridep ilgirilewatqan hemkarliqning chongqurlashturulushi yolida tashlashqa bolidighan qedemlerning muzakire qilinidighanliqigha dair uchurlargha orun bérilgen bayanatta, rayon we xelqaraliq mesililer toghrisidiki pikir almashturulushining pilanliniwatqanliqi qeyt qilindi.

ikki dölet arisida bir qatar kélishimlerning imzalinishi kütülüwatqan ziyaret munasiwiti bilen, méhman pirézidént shewket mirziyayéwning ete jumhur reislik mehkimisi millet kutubxanisining linta késish murasimigha «sherep méhmini» süpitide ishitirak qilidighanliqi tekitlendi.

igilinishiche, mirziyayéw ziyariti dairiside paytext enqerede türk soda – sanaetchiler bilenmu uchrishidiken.


خەتكۈچ: #özbékistan , #türkiye

مۇناسىۋەتلىك خەۋەرلەر