aqar engliye we firansiye dölet mudapie ministirliri bilen körüshti
türkiye dölet mudapie ministiri hulusi aqar engliye dölet mudapie weziri bén wallaké we firansiye dölet mudapie ministiri florénsé parli bilen ayrim – ayrim körüshti.
türkiye awazi radiyosi xewiri: aqar shimaliy atlantik ehdi teshkilati yighini dairiside bélgiyening paytexti biryusséldiki uchrishishliri dairiside, aldi bilen, engliye dölet mudapie weziri bén wallaké bilen, arqidin firansiye dölet mudapie ministiri florénsé parli bilen körüshti. uchrishilarda, herbiy, bixeterlik we dölet mudapiesi saheliride hemkarliq ornitishtin sirt yene, liwiye we süriyeni öz ichige alghan rayonluq özgirishler, bu dairide idlibning hazirqi weziyiti, rayonda yüz bériwatqan insaniy tiragédiyege xatime bérish üchün tashlinishqa tégishlik qedemler qatarliq mesililer heqqide özara pikir almashturuldi.
türkiyening arzu – ümidlirini otturigha qoyghan aqar, idlibta öy – makanlirini terk étishke mejbur bolghan xelqning, beshshar esed hakimiyitining zorawanliqi sewebidin beshshar esed küchlirining kontirolluqidiki rayonlargha emes, türkiyege yüzliniwatqanliqini tekitlidi.
