chawushoghlu qarataghda idlib toghrisida toxtaldi
türkiye tashqi ishlar ministiri mewlüt chawushoghlu türkiyening idlibta beshshar esed hakimiyitining hujumlirini toxtitish üchün néme qilish kérek bolsa shuni qilidighanliqlirini tekitlidi.
türkiye awazi radiyosi xewiri: mewlüt chawushoghlu qarataghda tashqi ishlar ministiri srdzhan darmanowij bilen ötküzülgen ortaq axbarat élan qilish yighinida, muxbirlarning idlib toghrisidiki soallirigha jawab berdi.
u tünügün (10-féwral) beshshar esed küchlirining hujumida besh türkiye eskirining shéhit qilinghanliqini xatirilitip: «eskerlirimizni kimning hujum nishani qilghan bolushidin qetiynezer tégishlik jawabni qayturduq, tégishlik jawabni bérishni dawamlashturimiz, buningdin qorqup qalmaymiz. emma, idlibta bu hujumlarning toxtishi we uzun muddetlik urush toxtitishning ornitilishi intayin muhim» dédi.
u kishilerni öyliride, doxturxanilarda we mekteplerde jénidin ayrighan qanxorlarche hujumlarning yüz bergenlikini eskertip: «buni toxtitish üchün néme qilish kérek bolsa shuni qilimiz» dédi.
u süriyede beshshar esed hakimiyitining kapaletchisi bolghan rusiye bilen iranning, beshshar esed hakimiyitining hujumlirini toxtitishi kéreklikini tekitlidi.
u axirida, türkiye jumhur reisi rejep tayyip erdoghan bilen rusiye pirézidénti wladimir putinning téléfonda körüshidighanliqini qeyt qildi.
مۇناسىۋەتلىك خەۋەرلەر
türkiyede yekshenbe küni pelestinni qollash namayishi ötküzülidu
6-öktebir yekshenbe küni türkiye miqyasida keng kölemlik pelestinni qollash namayishi ötküzülidu.
süriyening shimalida 4 térrorchi bir terep qilindi
süriyening shimalida bölgünchi térrorluq teshkilati p k k/y p g ezasi 4 térrorchi bir terep qilindi.
