erdoghan: türkiye siber bixeterlikide marka haligha kélidu

türkiye jumhur reisi rejep tayyip erdoghan türkiyeni siber bixeterliki jehette dunyada marka haligha keltüridighanliqlirini éytti.

1356573
erdoghan: türkiye siber bixeterlikide marka haligha kélidu

türkiye awazi radiyosi xewiri: jumhur reis rejep tayyip erdoghan enqerede uchur téxnologiyeliri we xewerlishish idarisi döletlik siber weqelirini bir terep qilish merkizining échilish murasimida söz qildi.

u yerlik 5G téxnologiye asasiy ul-eslihesini teyyarlimay turup, 5G ge ötülmeydighanliqini bildürdi. u mundaq dédi:

«chégralirimizning bixeterliki qanchilik muhim bolsa, éléktironluq sistémilirimizning we u yerlerde saqlinidighan sandanlirimizning bixeterlikimu shunchilik muhim. dölet we xususiy shirketlerge tewe sandan merkezlirini tertipke sélishimiz shert. munasiwetlik idare-organlirimizdin tetqiqat xizmetlirini téz sürette axirlashturushini kütimen.»

u eqilliq sitémilardin paydilinip qilinghan hujumlarni meghlub qilish yolining, téximu eqilliq sistémilarni tereqqiy qildurush we uningdin paydilinish ikenlikini éytti.

u: «dölitimizni siber bixeterliki jehette dunyada marka haligha keltürimiz. siber hujumlirigha eneniwi sistémilar yaki métodlar bilen qarshi turush, oqni qeghez bilen tosushqa oxshaydu. tunji yerlik xewerlishish süniy hemrahimiz <6A-türksat> ni layihelesh xizmiti axirlashti. inzhénérliq xizmetliri dawamlishiwatidu, 2022-yili alemge qoyup bérishni pilanlawatimiz» dédi.  



مۇناسىۋەتلىك خەۋەرلەر