түркийә илһам әлийев вә йеңи әзәрбәйҗан партийәсини тәбриклиди

түркийә, әзәрбәйҗанда өткүзүлгән парламент әзалири сайлимида үстүнлүкни игилигән пирезидент илһам әлийев вә униң рәһбәрликидики йеңи әзәрбәйҗан партийәсини тәбриклиди.

түркийә илһам әлийев вә йеңи әзәрбәйҗан партийәсини тәбриклиди

түркийә авази радийоси хәвири: түркийә җумһурийити ташқи ишлар министирлиқи йазма байанат елан қилип, «миллий мәҗлис сайламлириниң қериндаш әзәрбәйҗанға хәйрлик болушини тиләймиз» дегәнләрни қәйт қилди.

сайламда қолға кәлтүргән утуқлири мунасивити билән пирезидент илһам әлийев вә униң рәһбәрликидики йеңи әзәрбәйҗан партийәси тәбрикләнгән байанатта, «сайламларниң пүткүл дөләт миқйасида тинч – аман өткүзүлгәнликидин хушаллиқ һес қилмақтимиз» дегән ибариләргә орун берилди.

байанатта йәнә, «әзәрбәйҗан даирилириниң сайламларниң демократик пиринсиплар вә очуқ – ашкара болуш өлчәмлиригә мас өткүзүлүши үчүн баштин буйан сәрп қилған күчини вә әзәрбәйҗан хәлқиниң сайлам мусаписидә намайан қилған алийҗанаблиқини тәқдирләшкә әрзийду, дәп қараймиз» деди.

әзәрбәйҗанда 5 милйон 387 миң беләт ташлиғучи бар болуп, 125 орундунлуқ парламентқа парламент әзаси болуп кириш үчүн 299 и айал болуп җәмий 1314 намзат риқабәткә чүшти, сайламни 77700 әтрапида әзәрбәйҗанлиқ, 880 чәт әллик назарәтчи көзәтти.

әзәрбәйҗан пирезиденти илһам әлийев, 5 – декабир (2019) да парламентни тарқитиветип, муддәттин бурун сайлам өткүзүшни қарар қилғаниди.



مۇناسىۋەتلىك خەۋەرلەر