chawushoghlu «qaytidin asiya» yighinida söz qildi

türkiye awazi radiyosi xewiri: türkiye tashqi ishlar ministiri mewlüt chawushoghlu türkiyening «qaytidin asiya» siyasiti heqqide asiya döletlirining enqerediki diplomatik wakaletxanilirigha qarita échilghan yighinda söz qildi.

u uzun yillardin buyan süriye kirizisige hel qilish charisi tépish üchün tirishchanliq körsitiwatqanliqlirini tekitlep: «yéqinqi künlerde idlibte éghir yirikchilikler boldi. tünügün (3-féwral) sekkiz eskirimiz shéhit boldi. beshshar esedning urushqaq pozitsiyesi, nomussizliqi barghanséri éshiwatidu. rusiye bilen bu toqunushlarni toxtitish üchün tirishiwatimiz. bu meqsette, tünügün rusiye tashqi ishlar ministiri sérgéy lawrow bilen téléfonda körüshtüm» dédi.

u süriye kirizisi mesiliside, rusiyening zimmisige muhim wezipilerning chüshidighanliqini eskertip: «baldurraq uzun muddetlik urush toxtitishni we asasiy qanun komitéti bilen birlikte siyasiy musapini tézleshtürüshni telep qilimiz. biraq, bizge qilinghan hujumlargha chidap turushimiz mumkin emes. jawabini berduq, buningdin kéyinmu jawabini bérimiz» dédi.

u astana we sochi musapilirining pütünley dégüdek otturidin yoqalmighanliqini, biraq zidilinishke bashlighanliqini qeyt qildi.

u rusiyening «beshshar esed hakimiyitini toluq kontrol qilalmaymiz» dégendek bahanilirini toghra dep qarimaydighanliqlirini sözlirige ilawe qildi.