chawushoghlu bélgiye yuqiri sotining p k k délosigha munasiwetlik qararigha naraziliq bildürdi

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, bélgiye yuqiri sot mehkimisining, bélgiyede dawamlishiwatqan, türkiyemu sirttin arilashqan «ariadna délosi» namliq bölgünchi térrorluq teshkilati p k k gha chétishliq tekshürüshke munasiwetlik qararigha naraziliq bildürdi.

mewlüt chawushoghlu tiwittér adrési arqiliq bayanat bérip, «bélgiye mehkimisining p k k  térrorluq teshkilatigha munasiwetlik qararining qanun bilen yéqindin – yiraqtin munasiwiti yoq. bu qarar idéologiyelik we siyasiy (gherezlik)dur. bizge qanun ögitishke urunghanlarning endishe ichide chiqarghan ikki yüzlimichi bir qarardur. térrorizmgha qarshi küresh üchün ibretliktur. buninggha oxshash idéologiyelik qararlar bizni xain térrorluq teshkilatlirigha qarshi kürishimizdin qetiy toxtitalmaydu» dédi.

bélgiye aliy sot mehkimisi, fédératsiye teptish mehkimisining 2010 – yili bashlighan p k k  térrorluq teshkilati bilen chétishliq 36 shexs we bir orungha munasiwetlik tekshürüshining sot mehkimisige hawale qilinishining aldini élishni mezmun qilghan bélgiye eyibligüchiler bashqarmisi qararini maqullighanliqini élan qilghanidi.