чавушоғлу белгийә йуқири сотиниң п к к делосиға мунасивәтлик қарариға наразилиқ билдүрди

түркийә авази радийоси хәвири: дөлитимиз (түркийә җумһурийити) ташқи ишлар министири мәвлүт чавушоғлу, белгийә йуқири сот мәһкимисиниң, белгийәдә давамлишиватқан, түркийәму сирттин арилашқан «ариадна делоси» намлиқ бөлгүнчи террорлуқ тәшкилати п к к ға четишлиқ тәкшүрүшкә мунасивәтлик қарариға наразилиқ билдүрди.

мәвлүт чавушоғлу тивиттер адреси арқилиқ байанат берип, «белгийә мәһкимисиниң п к к  террорлуқ тәшкилатиға мунасивәтлик қарариниң қанун билән йеқиндин – йирақтин мунасивити йоқ. бу қарар идеологийәлик вә сийасий (ғәрәзлик)дур. бизгә қанун өгитишкә урунғанларниң әндишә ичидә чиқарған икки йүзлимичи бир қарардур. терроризмға қарши күрәш үчүн ибрәтликтур. буниңға охшаш идеологийәлик қарарлар бизни хаин террорлуқ тәшкилатлириға қарши күришимиздин қәтий тохтиталмайду» деди.

белгийә алий сот мәһкимиси, федератсийә тәптиш мәһкимисиниң 2010 – йили башлиған п к к  террорлуқ тәшкилати билән четишлиқ 36 шәхс вә бир орунға мунасивәтлик тәкшүрүшиниң сот мәһкимисигә һавалә қилинишиниң алдини елишни мәзмун қилған белгийә әйиблигүчиләр башқармиси қарарини мақуллиғанлиқини елан қилғаниди.