türkiye wuxende peyda bolghan yéngi tiptiki tajisiman wirus toghrisida puqralirini agahlandurdi

türkiye jumhuriyiti tashqi ishlar ministirliqi, türkiye puqralirigha zörür bolup qalmighan teqdirde xitaygha barmasliqni tewsiye qildi.

1348562
türkiye wuxende peyda bolghan yéngi tiptiki tajisiman wirus toghrisida puqralirini agahlandurdi

türkiye awazi radiyosi xewiri: türkiye jumhuriyiti tashqi ishlar ministirliqi bayanat élan qilip, xitayning xobéy ölkisining wuxen shehiride yuqumluq öpke yallughi peyda qilidighan yéngiche tajisiman wirus (2019-cCoV) ning dölet miqyasida xelqning salametlikige xewp yetküzidighan sewiyege yetkenlikini bildürdi.

yéngiche tajisiman wirustin yuqumlanghanlar sanining köpiyiwatqanliqi eskertilgen bayanatta, «puqralirimizning mejbur bolup qalmighan teqdirde xitaygha barmasliqi, xitaygha bérip qalghan teqdirde bashta xobéy ölkisi bolup késellik köp bayqalghan rayonlardin yiraq turushliri alahide tewsiye qilinidu» dégen ibarilerge orun bérildi.

xitayda turuwatqan we xitayning bashqa rayonlirigha bérishqa mejbur bolup qalghan türkiye puqralirining, salametlikni asrash tedbirlirige küchlük riaye qilishi tekitlengen bayanatta, türkiyening béyjingdiki elchixanisi, xongkong, shangxey we guangju konsulxanliri, shundaqla xitay we dunya sehiye teshkilatining bayanat we agahlandurushlirini yéqindin közitishliri telep qilindi.

bayanatta, türkiye puqralirining jiddiy ehwallarda 7 kün 24 saet boyiche konsulxana chaqirghu merkizi bilen (+90-312-292-29-29), béyjingdiki türkiye elchixanisi bilen (+8615201309412), xongkongdiki konsulxana bilen (+85296170722), shangxeydiki konsulxana bilen (+8615921036931), guangjudiki konsulxana  bilen (+8618127834907)  qatarliq téléfon nomurliri arqiliq alaqilisheleydighanliqi xatirilitip ötüldi.



مۇناسىۋەتلىك خەۋەرلەر