әлазиғдики йәр тәврәштә қаза қилғанларниң сани 22 гә вә йаридарларниң сани 1243 ға йәтти

әлазиғ вилийтигә қарашлиқ сивирҗә наһийәсидә түгүн түркийә вақти 20:55 өткәндә 6.8 бал йәр тәврәп, һайатидин айриғанларниң сани 22 гә вә йаридар болғанларниң сани 1243 ға йәтти.

әлазиғдики йәр тәврәштә қаза қилғанларниң сани 22 гә вә йаридарларниң сани 1243 ға йәтти

түркийә авази радийоси хәвири: йәр йүзидин 6 келометир 75 метир чоңқурлуқта йүз бәргән йәр тәврәш тәхминән 40 сикунт давамлашти.

йәр тәврәш адана, һатай, османийә, тунҗәли, ғази антәп, шанлиурфа, малатйа, мардин, самсун, тоқат, чорум вә қәйсиридин башқа йәнә сүрийәниң шималидиму һес қилинди.

ички ишлар министири сулайман сөйлу, муһит асраш вә шәһәрчилик хизмәтлири министири мурат қурум, сәһийә министири фәхриттин коҗа, йәр тәврәш апти йүз бәргән районға йетип берип, әһвалларни көздин кәчүрди. 

апәт вә җиддий һаләтләргә тақабиқ туруш идариси, түрк қизил ай җәмийити, дөләтлик сәһийә җиддий қутқузуш әтрити, от очүрүш әтрити, сәһийә гуруппилири вә йардом бойумлири шундақла бәзи шәһәрлик һөкүмәтләрниң издәп қутқузуш әтрәтлири тез сүрәт билән районға йалланди.

қандилли рәстханиси болса, йәр тәврәшниң 6.5 бал икәнликини елан қилди. йәр тәврәштин кейин районда 228 қетим қошумчә тәврәш йүз бәрди.

йәнә бир тәрәптин җумһур рәис рәҗәп таййип әрдоған йәр тәврәштин кейинки хизмәтләрни йеқиндин тәқип қилмақта.

әрдоған инсанларниң һайати бихәтәрликини қоғдаш үчүн барлиқ тәдбирләрниң йолға қойулғанлиқини елан қилди.

җумһур рәис рәҗәп таййип әрдоған йәр тәврәштә һайатидин айриғанларға аллаһтин рәһмәт вә йаридар болғанларға балдуррақ шипалиқ теләйдиғанлиқини билдүрди.



مۇناسىۋەتلىك خەۋەرلەر