сойлу: һәрбий һәрикитимиз афринниң зәһәрлик чекимлик мәркизигә айландурулушиниң алдини алди

сүләйман сойлу, түркийә афринда зәйтун шехи һәрбий һәрикитини елип бармиған болса иди, , п к к афринни дунйаниң әң чоң зәһәрлик чекимлик мәркизигә айландурған болатти,дөләт деди.

сойлу: һәрбий һәрикитимиз афринниң зәһәрлик чекимлик мәркизигә айландурулушиниң алдини алди

түркийә авази радийоси хәвири: түркийә җумһурийити ички ишлар министири сүләйман сойлу, түркийә афринда зәйтун шехи һәрбий һәрикитини елип бармиған болса иди, , п к к афринни дунйаниң әң чоң зәһәрлик чекимлик мәркизигә айландурған болатти,дөләт деди.

сүләйман сойлу анталйада сөз қилип, бәзи күчләрниң оттура шәрқтә пәйда қилған муқимсизлиқ, кирим тәңсизлики, вакалитән урушларға тайинип давамлаштуруватқан террор вә зораванлиқниң һәм зәһәрлик чекимлик содисини һәм көчүш һадисисини һәрикәтләндүргәнликини әскәртти.

у, «сүрийәниң африн районида зәйтун шехи һәрбий һәрикитини елип бармиған болсақ, африн, бөлгүнчи террорлуқ тәшкилати п к к тәрипидин дунйаниң әң чоң зәһәрлик чекимлик мәркизигә айландурулатти. буларниң һәммиси бизниң қандақ бир ишқа дуч кәлгәнликимизниң әң аддий намайандисидур» деди.

п к к ни йавропа вә американиң қоллап – қуввәтләватқанлиқини билдүргән сойлу, «йиллардин буйан бу тәшкилатқа җан сүйи бериштин, қорал бериштин, террорчиларға панаһлиниш һоқуқи бериштин, қоллап – қуввәтләштин, биваситә һалда иқтисадий йардәм бериштин баш тартмиди. п к к уларниң дөләтлиридә қораллиқ террорлуқ паалийәтлирини елип бармиғанлиқи үчүн, зәһәрлик чекимлик террорини көрмәскә селишмақта» дегәнләрни сөзлиригә илавә қилди.



مۇناسىۋەتلىك خەۋەرلەر