eren bulghariyede türkiyening oqush mukapati sistémisi heqqide melumat berdi

türkiye sirtidiki türkler we qérindash türkiy milletler orgini (YTB) bashliqi abdullah eren, «eng muhim ölchimimiz akadémik utuq. biz oqush mukapati bergende étnik kélip chiqishi, millitige emes, akadémik utuqini aldinqi pilangha qoyimiz» dédi.

eren bulghariyede türkiyening oqush mukapati sistémisi heqqide melumat berdi

türkiye awazi radiyosi xewiri: türkiye sirtidiki türkler we qérindash türkiy milletler orgini (YTB) bashliqi abdullah eren, türkiyening heryili baklaworluq, magistérliq we doktorluq oquydighan 4 minggha yéqin chet ellik oqughuchigha oqush mukapati bériwatqanliqini eskertip, qoshna dölet bulghariyening özlirige nisbeten muhim orunda turidighanliqini éytti.

abdullah eren bulghariye konstantin préslawikski uniwérsitétida ötküzülgen «türkiye oqush mukapati sistémisi» ni tonutush yighinidin ilgiri uniwérsitét mudiri piroféssor doktor géorgi koléw bilen körüshti.

u, 126 si dölet igilikidiki uniwérsitét bolup jemiy 208 uniwérsitéti bolghan türkiye bériwatqan oqush mukapatigha 170 dölettin oqughuchilarning iltimas qilidighanliqini tilgha élip ötti.

abdullah eren «türkiye oqush mukapati sistémisi» ni tonutush yighinidimu söz qilip, türkiyediki aliy maaripning süpitining yuqiriliqini tekitligen halda, «eng muhim ölchimimiz akadémik utuq. biz oqush mukapati bergende étnik kélip chiqishi, millitige emes, akadémik utuqini aldinqi pilangha qoyimiz» dédi.

eren, yighindin kéyin bayanat bérip, türkiye sirtidiki türkler we qérindash türkiy milletler orginining bir hepte boyiche bulghariye teshwiqat paaliyiti bilen shughullanghanliqini, bu dairide bulghariyedin iltimas sunidighan oqughuchilar sanida éshish körülüshini kütüwatqanliqlirini eskertti.

«biz hem balqan rayonining tinchliqi hem türkiyening déngiz we quruqluqtin chégra qoshnisi bolghan döletler bilen bolghan ikki terep munasiwetlirini téximu yuqiri pellige chiqirish üchün oqush mukapatlirigha alahide ehmiyet bérimiz» dégen eren, «türkiye oqush mukapati sistémisi»ning utuqni asas qilidighan xelqaraliq bir oqush mukapati ikenlikini, uning peqet irqdash xelqlergila emes, pütkül bulghar yashlargha ochuq ikenlikini alahide tekitlep ötti.


خەتكۈچ: YTB , eren , oqush mukapati , bulghariye , türkiye

مۇناسىۋەتلىك خەۋەرلەر