әрән булғарийәдә түркийәниң оқуш мукапати системиси һәққидә мәлумат бәрди

түркийә сиртидики түркләр вә қериндаш түркий милләтләр оргини (YTB) башлиқи абдуллаһ әрән, «әң муһим өлчимимиз академик утуқ. биз оқуш мукапати бәргәндә етник келип чиқиши, миллитигә әмәс, академик утуқини алдинқи пиланға қойимиз» деди.

әрән булғарийәдә түркийәниң оқуш мукапати системиси һәққидә мәлумат бәрди

түркийә авази радийоси хәвири: түркийә сиртидики түркләр вә қериндаш түркий милләтләр оргини (YTB) башлиқи абдуллаһ әрән, түркийәниң һәрйили баклаворлуқ, магистерлиқ вә докторлуқ оқуйдиған 4 миңға йеқин чәт әллик оқуғучиға оқуш мукапати бериватқанлиқини әскәртип, қошна дөләт булғарийәниң өзлиригә нисбәтән муһим орунда туридиғанлиқини ейтти.

абдуллаһ әрән булғарийә константин преславикски университетида өткүзүлгән «түркийә оқуш мукапати системиси» ни тонутуш йиғинидин илгири университет мудири пирофессор доктор георги колев билән көрүшти.

у, 126 си дөләт игиликидики университет болуп җәмий 208 университети болған түркийә бериватқан оқуш мукапатиға 170 дөләттин оқуғучиларниң илтимас қилидиғанлиқини тилға елип өтти.

абдуллаһ әрән «түркийә оқуш мукапати системиси» ни тонутуш йиғинидиму сөз қилип, түркийәдики алий маарипниң сүпитиниң йуқирилиқини тәкитлигән һалда, «әң муһим өлчимимиз академик утуқ. биз оқуш мукапати бәргәндә етник келип чиқиши, миллитигә әмәс, академик утуқини алдинқи пиланға қойимиз» деди.

әрән, йиғиндин кейин байанат берип, түркийә сиртидики түркләр вә қериндаш түркий милләтләр оргининиң бир һәптә бойичә булғарийә тәшвиқат паалийити билән шуғулланғанлиқини, бу даиридә булғарийәдин илтимас сунидиған оқуғучилар санида ешиш көрүлүшини күтүватқанлиқлирини әскәртти.

«биз һәм балқан райониниң тинчлиқи һәм түркийәниң деңиз вә қуруқлуқтин чегра қошниси болған дөләтләр билән болған икки тәрәп мунасивәтлирини техиму йуқири пәллигә чиқириш үчүн оқуш мукапатлириға алаһидә әһмийәт беримиз» дегән әрән, «түркийә оқуш мукапати системиси»ниң утуқни асас қилидиған хәлқаралиқ бир оқуш мукапати икәнликини, униң пәқәт ирқдаш хәлқләргила әмәс, пүткүл булғар йашларға очуқ икәнликини алаһидә тәкитләп өтти.



مۇناسىۋەتلىك خەۋەرلەر