türkiye liwiyede tinchliq ümidlirini kücheytti

türkiye jumhur reisi rejep tayyip erdoghan: «türkiyening liwiyediki mewjudiyiti tinchliq ümidlirini kücheytti» dédi.

türkiye liwiyede tinchliq ümidlirini kücheytti

türkiye awazi radiyosi xewiri: jumhur reis rejep tayyip erdoghan gérmaniyediki uchrishishlirini axirlashturup qaytish sepiride, ayropilanda muxbirlarning soallirigha jawab berdi.

u bérlinde chaqirilghan liwiye konféransi üstide toxtilip: «biz küchlük dölet bolsaq, bizdin nurghun ümid kütüshler bolidu. türkiye tinchliqning achquchidur. liwiye mesiliside basqan qedemlirimiz, musapni tengpunglashturdi. buningdin kéyin, hem emeliyitimizde hemde üstelde siyasiy musapini qollashni dawamlashturimiz» dédi.

u türkiyening liwiyediki mewjudluqining tinchliq ümidlirini kücheytkenlikini eskertip: «térrorluqqa qarshi turush nami astida qandaq oyunlarning oynalghanliqini körüwatimiz. liwiye konféransida hafterning layihe tékstini imzalimasliqi tosqunluq qildi. ish éghizda ishtirakchilarning guwahliqi bilen qaldi. inshaallah netijisi xeyrilik bolar» dédi.

u liwiyede rusiye pirézidénti wladimir putin bilen birlikte qilghan urush toxtitish chaqiriqigha boysunghan ehwalda siyasiy musape yolining échilidighanliqini eskertti.

girétsiye bash ministiri kiriyakos michotakisning hafterni girétsiyege teklip qilghanliqi heqqidimu toxtaldi. u: «michotakis bizni qishqirtish üchün hafterni girétsiyege chaqirdi» dédi.

rejep tayyip erdoghan bir rehberning özige: «michotakisning siler bilen munasiwetni qayta ongshashni xalaydu» dégenlikini, özining «aldi bilen michotakis xataliqini tüzetsun, andin munasiwetni ongshash nahayiti asan» dep jawab bergenlikini éytti, biraq u rehberning nam-sheripini ashkarilimidi.



مۇناسىۋەتلىك خەۋەرلەر