chawushoghlu: hafter mushundaq qilishni dawamlashturidighan bolsa, bérlin musapisining ehmiyiti yoq

mewlüt chawushoghlu, isyanchi hafterning liwiyede urush toxtitish toghrisida hasil qilinghan kélishimni imzalimasliqni dawamlashturidighan bolsa, bérlin musapisining birer ehmiyitining bolmaydighanliqini eskertti.

chawushoghlu: hafter mushundaq qilishni dawamlashturidighan bolsa, bérlin musapisining ehmiyiti yoq

türkiye awazi radiyosi xewiri: dölitimiz (türkiye jumhuriyiti) tashqi ishlar ministiri mewlüt chawushoghlu, isyanchi hafter liwiyede urush toxtitish toghrisida hasil qilinghan kélishimni imzalimasliqni dawamlashturidighan bolsa, bérlin musapisining birer ehmiyitining bolmaydighanliqini eskertti.

liwiyediki türkiyege qarshi küchlerning aldinqi qataridin orun alghan isyanchi général xelife hafter urush toxtitish kélishimini imzalimastinla rusiyedin ketkenidi, dölitimiz tashqi ishlar ministiri mewlüt chawushoghlu bu heqte bayanat bérip, «hafter mushundaq qilishni dawamlashtursa, bérlin musapisining ehmiyiti qalmaydu» dédi.

«(kélishim) téksti pütkenidi, imza qoyush basquchida ruslar <hafter etigengiche möhlet telep qildi> dédi. hazir bu tékistke imza qoymaydu» dédi we sözini dawamlashturup, «türkiye bolush süpitimiz bilen jumhur reisimizning rehberlikide liwiyede urush toxtitip, tinchliq ornitish üchün tégishilik ishimizni qilduq, buningdin kéyinmu qilishni dawamlashturimiz. biraq, menziridin shuni körüwatimizki, kim tinchliqni, kim urushni, kim liwiyede birlik – barawerlik ornitishni xalaydu kim xalimaydu, otturigha chiqqan boldi» dégenlerni qeyt qildi.

rusiye tashqi ishlar ministirliqi, liwiyede urush toxtitishqa terep bolghan tereplerdin isyanchi général xelife hafterning kélishimge qol qoymastinla moskwadin kétip qalghanliqini uqturghanidi.



مۇناسىۋەتلىك خەۋەرلەر